千と千尋の神隠し | |
---|---|
Títol | Sen to Chihiro no Kamikakushi |
![]() Póster d'a cinta. | |
Ficha tecnica | |
Dirección | Hayao Miyazaki |
Producción | Toshio Suzuki |
Guión | Hayao Miyazaki |
Musica | Joe Hisaishi |
Montache | Takeshi Seyama |
Actors | Rumi Hiiragi Miyu Irino Mari Natsuki Takeshi Naito Yasuko Sawaguchi Tsunehiko Kamijō Takehiko Ono Bunta Sugawara |
Datos y cifras | |
País(es) | Chapón |
Anyo | 2001 |
Debantadera | 20 de chulio de 2001 ![]() |
Chenero(s) | Cine d'animación |
Durada | 125 min. |
Idioma(s) | Chaponés |
Companyías | |
Productora(s) | Studio Ghibli |
Distribución | Toho |
Presupuesto | 15–19.2 millons de dólars |
Informacions en bases de datos especializadas: | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Sen to Chihiro no Kamikakushi (títol orichinal en chaponés: 千と千尋の神隠し, en aragonés Feito disaparixer, enguerada en Aragón con o títol en castellano d'El viaje de Chihiro, en aragonés O viache de Chihiro) ye una cinta de cine chaponés de cine d'animación de l'anyo 2001, dirichida por Hayao Miyazaki y producida por Toshio Suzuki ta la productora cinematografica Studio Ghibli, con guión cinematografico de Hayao Miyazaki, con as voces de Rumi Hiiragi, Miyu Irino, Mari Natsuki, Takeshi Naito, Yasuko Sawaguchi, Tsunehiko Kamijō, Takehiko Ono y Bunta Sugawara.[2]
Spirited Away conta l'historia de Chihiro Ogino, una nina de 10 anyadas d'edat que cuan se muda a un nuevo vecindario ingresa en lo mundo de Kami (espritos d'o folklore xintoísta chaponés). Dimpués de que a broixa Yubaba converte a los suyos pais en tocíns, Chihiro prene un treballo en a casa de banyos de Yubaba pa trobar una traza de liberar-se a ella mesma y a los suyos pais y tornar a lo mundo humán.
Enguerada orichinalment en Chapón o 20 de chulio de 2001 por o distribuidor Toho, a cinta recibió elochios universals, replegando 383,4 millons de dolars en a taquilla mundial.[3] Con frecuencia se considera una d'as prencipals obras d'o sieglo XXI, asinas como una d'as millors cintas animadas nunca realizadas.[4]
© MMXXIII Rich X Search. We shall prevail. All rights reserved. Rich X Search